திறமை, வெற்றி மற்றும் குழுப்பணியில் 15 ஆண்டுகாலத்தை கொண்டாடும் நிகழ்வு டாக்டர். பி ஹவுஸ் ஆஃப் ஸ்டார்ஸ் காலா (Dr. B House of Stars Gala)!
கடந்த 15 ஆண்டுகால பயணத்தில் Dr. B அமைப்பின் வளர்ச்சிக்குப் பின்னால் இருக்கும் ஒவ்வொருவரையும் டாக்டர் பைரவி செந்தில் கௌரவித்தார்.
சென்னை: Dr. B 360 Dermatology Experiential Centre சார்பில், தோல் மருத்துவத் துறையில் டாக்டர் பைரவி செந்திலின் 15 ஆண்டுகால பயணத்தைக் கொண்டாடும் வகையில், முதல் முறையாக Dr. B House of Stars Presidential Gala நிகழ்ச்சி செப்டம்பர் 26 அன்று கோவளம், அதுல்யா ஃபார்மில் நடைபெற்றது.
Dr. B 360 Dermatology Experiential Centre, Duvee Technologies, AAVEDERM மற்றும் Bevell ஆகிய நிறுவனங்களின் குழுக்களை ஒருங்கிணைத்த இந்த பிரம்மாண்ட நிகழ்வு, வளர்ந்து வரும் Dr. B அமைப்பின் பின்னணியில் செயல்படும் ஒவ்வொருவரின் பங்களிப்பையும், ஒட்டுமொத்த குழுவின் கூட்டு முயற்சியையும் கொண்டாடும் வகையில் அமைந்தது.
’ஒன் டீம், ஒன் விஷன், ஒன் க்ளோ’ என்பதை மையமாகக் கொண்டு நடைபெற்ற இந்த நிகழ்வில், Dr. B 360 Dermatology Experiential Centre-ன் நிர்வாக இயக்குநரும் Duvee Technologies நிறுவனத்தின் நிறுவனருமான செந்தில், சிறப்பு விருந்தினர் சுரேஷ் சந்திரா மற்றும் தமிழ்நாடு ஆயுதப்படை ஏடிஜிபி, ஐபிஎஸ் அதிகாரி டாக்டர் ஆர். தினகரன் ஆகியோர் உரையாற்றினர்.
நிகழ்வின் முக்கிய அம்சமாக House of Stars Awards விருதுகள் இடம்பெற்றன. Dr. B அமைப்பின் பல்வேறு நிறுவனங்களில் சிறப்பாகப் பணியாற்றி வரும் குழு உறுப்பினர்களின் அர்ப்பணிப்பு மற்றும் பங்களிப்பை அங்கீகரிக்கும் வகையில் இந்த விருதுகள் வழங்கப்பட்டன. மேலும், AAVEDERM நிறுவனத்தின் பொது மேலாளராகப் பணியாற்றி வந்த கார்த்திகேயன், அந்நிறுவனத்தின் புதிய தலைமைச் செயல் அதிகாரியாக பதவி உயர்வு பெற்றுள்ளதாக அறிவிக்கப்பட்டது.
நிகழ்வு குறித்து டாக்டர் பைரவி பகிர்ந்து கொண்டதாவது, “நாட்டின் மிகப்பெரிய மற்றும் மதிப்புமிக்க நிறுவனம் ஒன்றை உருவாக்க வேண்டும் என்பதுதான் எனது கனவு. ஆனால், அந்தக் கனவை என்னால் தனியாக அடைய முடியாது. ஒட்டுமொத்த குழுவும் என்னுடன் இணைந்து அந்தக் கனவைக் காண வேண்டும். நாம் அனைவரும் ஒன்றாகக் கனவு காணும்போதுதான் அதை நனவாக்க முடியும். நம் வெற்றியை எப்போதும் அனைவருடனும் பகிர்ந்து கொள்ள வேண்டும் என்று நான் நம்புகிறேன். Dr. B யின் வெற்றி என்பது ஒருவருடைய வெற்றி அல்ல. எங்களை நம்பி, எங்களுடன் இணைந்து பங்களித்து, எங்களுடன் வளர்ந்த ஒவ்வொருவருக்கும் சொந்தமான வெற்றி” என்றார்.
கேக் வெட்டும் நிகழ்ச்சியுடன் விழா நிறைவடைந்தது. இதில் Dr. B குடும்பத்தைச் சேர்ந்த அனைவரும் இந்த வெற்றியை கொண்டாடினர். Dr. B House of Stars Presidential Gala, ஒவ்வொரு ஆண்டும் முக்கியமான வெற்றியை கொண்டாடவும், அந்த வெற்றிகளுக்குப் பின்னால் இருக்கும் நபர்களை அங்கீகரிக்கவும், அடுத்த கட்டப் பயணத்தை நோக்கிப் பயணிக்கவும் ஒரு வருடாந்திர நிகழ்வாக நடத்த திட்டமிடப்பட்டுள்ளது.
Dr. B 360 குறித்து:
டாக்டர் பைரவி செந்தில் நிறுவிய The Dr. B 360 Dermatology Experiential Centre, சென்னையில் செயல்படும் ஒருங்கிணைந்த தோல் மருத்துவம், அழகியல் மற்றும் நலவாழ்வு மையமாகும். தனிப்பட்ட மருத்துவப் பராமரிப்பு, மேம்பட்ட தொழில்நுட்பம் மற்றும் மருத்துவ சிகிச்சை, வீட்டுப் பராமரிப்பு, நலவாழ்வு மற்றும் தொழில்நுட்பம் ஆகியவற்றை ஒருங்கிணைக்கும் விரிவான சேவையை இது வழங்குகிறது.