மூடபழக்கங்களைத் தட்டிக் கேட்கும் முற்போக்கான சமூக அக்கறையுள்ள கதை – பொம்மி B.A, B.L !
~கலர்ஸ் தமிழில் வரும் மே 3 ஆம் தேதி முதல் திங்கள் முதல் சனி வரை இரவு 6.30 மணி முதல் 7 மணி வரை ஒளிபரப்பாக உள்ளது பொம்மி B.A, B.L. எனும் நெடுந்தொடர்~
சென்னை, 28, ஏப்ரல் 2021: ஏன், எதற்கு, எப்படி என்கிற கேள்விகளை சமூகத்திடம் எழுப்புபவள் பொம்மி. சமூகத்தால் ஒடுக்கப்பட்ட , புறந்தள்ளப்பட்ட கைம்பெண் ஒருத்தி தன் உரிமைகளுக்காக கேள்வி எழுப்புகிறாள். படிக்க வேண்டிய வயதில் திருமணம். விளையாட வேண்டிய வயதில் விதவை பட்டம். காலத்தின் கோலத்தில் கைதியான ஒருத்தி தனக்காக மட்டுமல்ல, தன்னை போல் உரிமைகள் இழந்த அத்தனை பேருக்காகவும் வாதாடுகிறாள். தர்க்க ரீதியான அவள் கேள்விகள் சமூகத்தின் மூடபழக்க வழக்கங்களையும் முட்டாள் தனங்களையும் அசைத்துப் பார்க்கிறது. கேள்வி கேட்பவள் எட்டு வயது சிறுமி. பொம்மி!
சிறார் திருமணம், உடன்கட்டை ஏறுதல், பெண்ணுக்கு மறுமணம் மறுக்கப்படுதல் உள்ளிட்ட பல கொடுமைகள் உச்சகட்டமாய் நடந்தேறிய நூற்றாண்டுகளுக்கு முந்தைய கதைதான் பொம்மியின் கதை. பொம்மியின் வாழ்க்கை நம் முன்னோர்கள் பலரின் வாழ்க்கை முறையை நம் கண் முன்னே படம் பிடித்துக் காட்டுகிறது. பொம்மி போன்ற ஒடுக்கப்ப்பட்ட சிறுமிகள் பலர் தங்கள் வாழ்க்கையை பலி கொடுத்தும் தங்கள் வாழ்வின் மூலம் நடத்திய போராட்டங்களின் மூலமும் தான் பெண்களுக்கு எதிரான பல மூட பழக்கவழக்கங்களுக்கு இன்றைய அளவில் தீர்வு கிடைத்திருக்கிறது எனலாம்.
60 வயதான ஒருவரை திருமணம் செய்துகொண்ட 8 வயது சிறுமிக்கு நடக்கும் இரண்டாம் திருமணம் அவள் வாழ்வில் ஏற்படுத்தப் போகும் மாற்றங்களே கதை.
இக்கட்டான சூழலில் விதவையென தள்ளப்பட்ட சிறுமியான பொம்மியை திருமணம் செய்துகொள்கிறார் வழக்கறிஞர் அனிருத். சிறு வயதில் இருந்தே முற்போக்கான பார்வை கொண்ட பொம்மி தன்னைப் போலவே படித்துப் பட்டதாரியாக வேண்டும் என நினைக்கும் அனிருத், அவளை வழக்கறிஞராக்குறார். தான் பெற்ற கல்வியின் மூலமாக தன்னுடைய வாழ்க்கைத் தரத்தையும் தன்னை போன்ற பெண்களின் வாழ்க்கை உரிமைகளுக்காகவும் பொம்மி போராடிய கதை தான், `பொம்மி B.A, B.L.’
பெண் என்றால் ஒரு கூட்டுக்குள் ஒடுங்கிய பறவையாக இல்லாமல் அவள் சிறகு விரித்துப் பறக்க வேண்டும், தனக்காக சுய அடையாளத்தைத் தேட வேண்டும் என்பதை உணர்த்தும் கதையே பொம்மியின் கதை.
கலர்ஸ் ஹிந்தி தொலைகாட்சியில் வெற்றி நடை போட்ட `பரீஸ்டர் பாபு’ தொடரின் தமிழாக்கமாக்கமான `பொம்மி B.A, B.L.’ தொடர் குறித்து கலர்ஸ் தமிழ் தொலைகாட்சியின் பிசினஸ் ஹெட் அனுப் சந்திரசேகரன் கூறும்போது,
தொலைக்காட்சி தொடர்களில் கலர்ஸ் தமிழ் எப்போதும் பல புதுமைகளை நிகழ்த்தி வருகிறது. பெண்கள் அன்பு, அமைதி, நேர்மை, முயற்சி, போராட்டம் என பல்வேறு களங்களை தங்கள் வாழ்க்கைப் பயணத்தில் சந்தித்து வருகிறார்கள். அவர்கள் இந்த சமூகத்தில் கடந்து வந்த போராட்டங்கள் தலை வணங்கக் கூடியவை. பெண்கள் போராடி வெற்றி காண்கிற கதைகள் எப்போதும் அவர்களுக்கு புதிய தன்னம்பிக்கையைக் கொடுக்கும் என்பதில் சந்தேகமில்லை. அந்த வகையில் பெண்களுக்கான உற்சாகமும் தன்னம்பிக்கையையும் தரக்கூடிய தொடரான ` பொம்மி B.A, B.L.’ தொடரை ஒளிபரப்புவதில் கலர்ஸ் தமிழ் பெருமை கொள்கிறது’’ என்றார்.
இன்றளவிலும் மூடநம்பிக்கைகளால் மூழ்கிக் கிடக்கும் பலரிடத்தில் பொம்மியின் கேள்விகளும் அவளின் அழகான வாழ்க்கைப் பயணமும் அனைவரையும் இத்தொடரைப் பார்க்கத் தூண்டும் என்பதில் சந்தேகமில்லை.
2021 மே 3ம் தேதியிலிருந்து ஆரம்பமாகும் சுவாரஸ்யமான இந்தநெடுந் தொடர் திங்கள் முதல் சனிக்கிழமை வரை மாலை 6:30 மணிக்கு ஒளிபரப்பாகும் பொம்மி B.A,B.L நிகழ்ச்சியை காண கலர்ஸ் தமிழ் அலைவரிசையை டியூன் செய்ய தவறாதீர்கள்.