உலகத் தொலைக்காட்சியில் முதன் முறையாக ‘அன்புள்ள கில்லி’ திரைப்படத்தினை இந்த ஞாயிறன்று நேரடியாக ஒளிபரப்பும் கலர்ஸ் தமிழ்

உலகத் தொலைக்காட்சியில் முதன் முறையாக  ‘அன்புள்ள கில்லி’ திரைப்படத்தினை இந்த ஞாயிறன்று நேரடியாக ஒளிபரப்பும்   கலர்ஸ் தமிழ்

~ ஒரு நபரின் வாழ்க்கைப் பயணத்தையும் மற்றும் அவரது செல்ல வளர்ப்பு நாயுடனான உறவையும் நகைச்சுவையாக இது சித்தரிக்கிறது ~

சென்னை, 2 பிப்ரவரி 2022: பெரிதும் ஆவலுடன் எதிர்பார்க்கப்பட்ட திரைப்படமான ‘அன்புள்ள கில்லி’ திரைப்படத்தின் நேரடி சாட்டிலைட் ப்ரீமியர் ஒளிபரப்பை தமிழ் ரசிகர்களுக்காக வழங்குவதில் தமிழ்நாட்டில் அதிவேகமாக வளர்ந்து வரும் பொது பொழுதுபோக்கு சேனலான கலர்ஸ் தமிழ், பெருமையும், மகிழ்ச்சியும் கொள்கிறது. 2022 பிப்ரவரி 6 – ம் தேதி, வரும் ஞாயிறு இரவு 7.00 மணிக்கு இத்திரைப்படம் ஒளிபரப்பாகிறது.

திரு. ஸ்ரீநாத் ராமலிங்கத்தின் இயக்கத்தின் உருவாகியிருக்கும் இந்த தனித்துவமான ரொமான்டிக் திரைப்படத்தில் கில்லி’ (அமிகோ என்ற நாய்) ஒரு மிக முக்கியமான பாத்திரத்தில் நடித்திருக்கிறது. துஷாரா விஜயன், சாந்தினி தமிழரசன், மைம் கோபி, மயில்சாமி, பூ ராமு, இளவரசன் மற்றும் புதுமுக நடிகரன மைத்ரேயா ராஜேஷ்சேகர் என பல சிறப்பான நடிகர்கள் இதில் நடித்திருக்கின்றனர். இத்திரைப்படத்தின் முக்கிய கதாபாத்திரமாக இடம்பெற்றிருக்கும் கில்லி (அமிகோ என்ற நாயின் நடிப்பில்) திரைப்படத்தில் அவருக்கே உரித்தான தனித்துவமான நகைச்சுவை உணர்வுடன் நடிகரும், பிரபல காமெடியனுமான சூரி குரல் கொடுத்திருக்கிறார். பிப்ரவரி 6 – ம் தேதி, இந்த ஞாயிறன்று, இரவு 7.00 மணிக்கு விலங்குகள் நிகழ்நேரத்தில் பேசுகின்ற முதல் இந்திய திரைப்படத்தை கண்டு ரசிக்க தயாராகுங்கள்.

இயற்கை அழகு கொஞ்சும் கொடைக்கானல் பின்னணியில் உருவாக்கப்பட்டிருக்கும் இத்திரைப்படத்தின் கதைக்களம், சிறுவயது முதல் ஒன்றாக வளர்ந்து வரும் ராமு (மைத்ரேயா ராஜேஷ்சேகரின் நடிப்பில்) மற்றும் கில்லி (அமிகோ) ஆகிய இருவருக்கும் இடையில் உள்ள அழகான அன்பை படம்பிடித்துக் காட்டுகிறது.  ராமு அவனது குழந்தைப்பருவ தோழியான பார்கவி (சாந்தினி தமிழரசன் நடிப்பில்) மற்றும் பக்கத்து வீட்டில் வசிக்கும் இளம்பெண்ணான அன்விதா (துஷாரா விஜயன் நடிப்பில்) ஆகியோரோடு முக்கோண காதலில் சிக்கிக்கொள்ளும்போது  அவர்களுக்கு இடையே  ஏற்படும் அழகிய தருணங்கள்  திரைப்படத்தினை   விறுவிறுப்பாக அடுத்த கட்டத்திற்கு எடுத்து செல்கிறது.  

தனது நண்பனான ராமு காதலில் வெற்றி காணவும், உண்மையான காதலை கண்டறியவும் தோழனான கில்லி ராமுவிற்கு உதவுகிறது எனினும், ஒரு வனச்சரகராக வேடம் தரித்து ஈவுஇரக்கமற்ற வகையில் வனவிலங்குகளை கொன்று குவிக்கும் சுந்தர் என்ற நபர் (மைம் கோபி நடிப்பில்) இவர்களது வாழ்க்கையில் குறுக்கிடும்போது ஒரு புயலே உருவாகிறது. சுந்தரின் கோரப்பிடிகளிலிருந்து ராமுவும், கில்லியும் எப்படி தப்பித்து வெற்றி கண்டனர் என்பதே கதையின் எஞ்சிய பகுதியாக விரிகிறது.

 கலர்ஸ் தமிழின் பிசினஸ் ஹெட் திரு. எஸ். ராஜாராமன் இத்திரைப்படத்தின் ப்ரீமியர் நிகழ்வு குறித்து பேசுகையில், “எமது பார்வையாளர்களுக்கு உயர்தரமான நிகழ்ச்சிகளை வழங்க கலர்ஸ் தமிழில் நாங்கள் தொடர்ந்து முனைப்புடன் செயலாற்றி வருகிறோம். எங்களது நிகழ்ச்சியின் தொகுப்பை இன்னும் ஆர்வமூட்டுவதாக ஆக்கவேண்டும் என்ற நோக்கத்தோடு எமது நிகழ்ச்சி நிரலில் திரைப்படங்களை தவறாமல் இடம்பெறும் ஒரு அங்கமாக ஆக்குவதற்கு நாங்கள் முடிவு செய்திருக்கிறோம். மாதத்தின் திரைப்படம் என்ற திட்டத்தின் ஒரு பகுதியாக புதிதாக வெளியான திரைப்படங்களை கண்டு ரசித்து புத்துணர்ச்சி பெறும் இனிய அனுபவத்தை எமது பார்வையாளர்கள் ஏற்கனவே பெற்றிருக்கின்றனர். தங்களது இல்லங்களில் சௌகரியமாக அமர்ந்துகொண்டே சமீபத்திய திரைப்படங்களை பார்ப்பது ஒரு அற்புதமான அனுபவம். கலர்ஸ் தமிழில் பிரத்யேகமாக நேரடி சாட்டிலைட் ப்ரீமியர் ஒளிபரப்பாக அன்புள்ள கில்லி வெளியாவது இந்த சிறப்பான செயல்திட்டத்தின் ஒரு அங்கமே,” என்று கூறினார்.

கில்லிக்கு பின்னணி குரல் கொடுத்த அனுபவம் பற்றி நகைச்சுவை நடிகர் சூரி பேசுகையில், “பார்வையாளர்களையும், ரசிகர்களையும் சென்றடையவும், மகிழ்ச்சிப்படுத்தவும், உற்சாகமூட்டவும் இரண்டு மிகச்சிறந்த வழிமுறைகளாக திரைப்படங்களும், தொலைக்காட்சி நிகழ்ச்சிகளும் இருக்கின்றன. இத்திரைப்படத்தில் செல்லமாக வளர்க்கும் ஒரு நாயின் கதாபாத்திரத்திற்கு எனது குரலை வழங்கும் எனது தனித்துவமான முயற்சி எனக்கு மகிழ்ச்சியளிக்கிறது. கலர்ஸ் தமிழ் வழியாக இல்லங்களில் உள்ள அனைத்து பார்வையாளர்களையும் மிகப்பெரிய அளவில் இத்திரைப்படம் சென்றடையும் என்பது கூடுதல் திருப்தியளிக்கிறது. இப்பணியில் ஈடுபட்டது ஒரு இனிய அனுபவமாக இருந்த அதே நேரத்தில் சவாலானதாகவும் இருந்தது. இத்திரைப்படத்தில் எனது கதாபாத்திரத்தை பார்வையாளர்கள் உண்மையிலேயே மகிழ்ச்சியோடு ரசிப்பார்கள் என்று நான் நம்புகிறேன்.” என்று கூறினார்.

இத்திரைப்படத்தின் இயக்குனர் ஸ்ரீநாத் ராமலிங்கம் இத்திரைப்பட ஒளிபரப்பு குறித்து கூறியதாவது: “எனது இயக்கத்தில் வேறு படங்கள் வந்திருந்தபோதிலும், இதன் தனித்துவமான கருத்தாக்கத்தின் காரணமாக, அன்புள்ள கில்லி எனது நெஞ்சத்திற்கு மிகவும் நெருக்கமானதாக எப்போதும் இருக்கும். நேரடி சாட்டிலைட் ப்ரீமியராக இத்திரைப்படம், கலர்ஸ் தமிழ் போன்ற ஒரு பிரபலமான சேனலில் ஒளிபரப்பாவது இன்னும் அதிக மகிழ்ச்சியையும், பிரமிப்பையும் தருகிறது. பல்வேறு உணர்வுகளின் சங்கமமாக உருவாக்கப்பட்டிருக்கும் இத்திரைப்படம் பார்வையாளர்களின் மனதை நெகிழ வைக்கும் என்று நான் உறுதியாக நம்புகிறேன்.”

2022 பிப்ரவரி 6, ஞாயிறன்று இரவு 7.00 மணிக்கு உலகத் தொலைக்காட்சியில் முதன் முறையாக ஒளிபரப்பாகும் அன்புள்ள கில்லி திரைப்படத்தில் ராமு மற்றும் கில்லியின் பாசமும், தோழமையும் நிறைந்த பயணத்தைக் காண கலர்ஸ் தமிழ் தொலைக்காட்சியை டியூன் செய்ய மறவாதீர்கள். அனைத்து முன்னணி கேபிள் வலையமைப்புகளிலும் மற்றும் சன் டைரக்ட் (CHN NO 128), டாடா ஸ்கை (CHN NO 1514/ 1515), ஏர்டெல் (CHN NO 763), டிஷ் டிவி (CHN NO 1808) மற்றும் வீடியோகான் D2H (CHN NO 553) ஆகிய அனைத்து டிடீஹெச் தளங்களிலும் கலர்ஸ் தமிழ் தொலைக்காட்சி நிகழ்ச்சிகளைக் கண்டு ரசிக்கலாம்.