‘நம்ம மதுரை சிஸ்டர்ஸ்’ என்ற புதிய நெடுந்தொடரை அறிமுகப்படுத்திய கலர்ஸ் தமிழ்
சரிவிலிருந்து மீண்டெழும் திறனையும், மன உறுதியையும் நேர்த்தியாக சித்தரிக்கும் புதிய கதைக்களம் பிப்ரவரி 21 முதல் ஆரம்பம்
~ கலர்ஸ் தமிழ் தொலைக்காட்சியில் 2022 பிப்ரவரி 21 முதல் திங்கள் முதல் சனிக்கிழமை வரை இரவு 7 மணிக்கு ‘நம்ம மதுரை சிஸ்டர்ஸ்’ நிகழ்ச்சி ஒளிபரப்பாகிறது ~
சென்னை, 16 பிப்ரவரி 2022: தமிழகத்தில் அதிவேகமாக வளர்ந்து வரும் பொது பொழுதுபோக்கு தொலைக்காட்சியான கலர்ஸ் தமிழ், ‘நம்ம மதுரை சிஸ்டர்ஸ்’ என்ற புத்தம் புதிய நெடுந்தொடரை 2022 பிப்ரவரி 21 முதல் ஒவ்வொரு வாரமும் திங்கள் முதல் சனிக்கிழமை வரை இரவு 7:00 மணிக்கு ஒளிபரப்பவுள்ளதாக அறிவித்துள்ளது. பல பிரபல நடிகர்களோடு இணைந்து நடிகை சாயா சிங், முதன்மை கதாபாத்திரத்தில் நடிக்கும் இந்த புதிய நெடுந்தொடரை சிறப்பு பார்ட்னராக பிரித்வி இன்னர் வேர்ஸ் மற்றும் பவர்டு பை அரோமா அக்மார்க் நெய், இணைந்து வழங்குகின்றனர். தீவிரமான உணர்வுகள் மற்றும் அதிரடி திருப்பங்கள் கொண்ட கதையின் வழியாக உடன் பிறந்த சகோதரிகளின் பாசப்பிணைப்பை இப்புதுயுகத்தில் புதிய பரிமாணத்தில் வழங்குகிறது இந்த நெடுந்தொடர்.
மதுரை மாநகரைப் பின்புலமாக கொண்டிருக்கும் கதையான ‘நம்ம மதுரை சிஸ்டர்ஸ்’ ஒவ்வொருவரும் தனித்துவமான பண்பியல்புகளை கொண்டிருக்கும் நான்கு சகோதரிகளின் வாழ்க்கையை சித்தரிக்கிறது. பெற்றோர்களை இள-வயதிலேயே பறிகொடுத்த பிறகு குடும்ப பொறுப்புகள் தலை மீது விழுகிற இந்திராணி என்ற இளம் பெண்ணின் வாழ்க்கையை (நடிகை சாயா சிங் நடிப்பில்) சுற்றி பின்னப்பட்டிருக்கும் இக்கதையில் அன்பு, பாசம் மற்றும் அதிரடி திருப்பங்கள், எதிர்பாரா நிகழ்வுகள் அனைத்தும் இடம்பெற்று விறுவிறுப்பாக நகர்கிறது. தனது பெற்றோர்களின் மரணத்திற்கு காரணமானவர்களை எதிர்த்து போராடி வாழ்வில் ஜெயிக்கவும் தனது சகோதரிகளை பாதுகாப்பாக பேணி வளர்க்கவும் உறுதிமொழி ஏற்கும் இந்திராணி, ஒரு அப்பாவி என்ற இளம் பெண் நிலையில் இருந்து எதையும் எதிர்கொள்ளக்கூடிய மன உறுதிவாய்ந்த பெண்ணாக புதிய அவதாரம் எடுக்கிறார், மேகலா (நடிகை சுனிதா), புவனா (சங்கவி) மற்றும் காவியா (ஐரா அகர்வால்) என்ற மூன்று இளைய சகோதரிகளின் வாழ்க்கை பயணத்தையும் மனதை தொடும் விதத்தில் மிக அழகாக இக்கதை வர்ணிக்கிறது. பிரபல சின்னத்திரை நடிகர் தீபக் குமார், காவியாவுக்கு (ஐரா அகர்வால்) எதிரான முதன்மை ஆண் கதாபாத்திரத்தில் நடித்திருக்கிறார்.
சகோதரிகளுக்கிடையே ஏற்படும் குடும்ப அளவிலான போட்டியின் நுட்பங்களையும் இந்த நெடுந்தொடர் ஆராய்கிறது. கிடைக்கும் ஒவ்வொரு வாய்ப்பிலும் அவர்களது வாழ்க்கையில் பெரும் பாதிப்பை ஏற்படுத்த முயற்சிக்கிற ராஜமாணிக்கம் (நடிகர் பார்த்தன் நடிப்பில்) என்ற இச்சகோதரிகளின் மாமாவின் சூழ்ச்சிகளையும், நடவடிக்கைகளையும் இது நேர்த்தியாக படம் பிடித்து காட்டுகிறது.
கலர்ஸ் தமிழ் தொலைக்காட்சியின் பிசினஸ் ஹெட் திரு. எஸ். ராஜாராமன், இந்நெடுந்தொடர் நிகழ்ச்சி அறிமுகமாவது குறித்து கூறியதாவது: “கேளிக்கை மற்றும் பொழுதுபோக்கிற்கு தமிழ் பேசும் மக்கள் விரும்பித் தேடும் இடமாக கலர்ஸ் தமிழ் தொலைக்காட்சி உருவெடுத்திருக்கிறது. தடைகளை உடைத்து நொறுக்கி சாதித்திருக்கிற நிஜ வாழ்க்கையில் பெண் சாதனையாளர்களிடமிருந்து பெற்ற உத்வேகத்தால் எமது புதின நெடுந்தொடர்கள் உருவாக்கப்படுகின்றன. பாதிப்பு மற்றும் தோல்வியினால் துவண்டுவிடாமல் மன உறுதியையும் மற்றும் தைரியத்தையும் வெளிப்படுத்துகிற மற்றுமொரு அழகான கதையாக நம்ம மதுரை சிஸ்டர்ஸ் உருவாக்கப்பட்டிருக்கிறது. சகோதரிகளின் பாச உணர்வையும், நேசத்தையும் காட்சிப்படுத்துகிற மற்றும் உண்மையிலேயே கொண்டாடி மகிழ்கிற ஒரு தைரியமான முயற்சியாகவே இந்நெடுந்தொடர் இருக்கிறது. பார்வையாளர்கள் மற்றும் இரசிகர்கள் மத்தியில் இந்நிகழ்ச்சி பெரும் வரவேற்பையும், ஆதரவையும் பெறும் என்று நாங்கள் நிச்சயமாக நம்புகிறோம்.”
இந்நெடுந்தொடரின் இயக்குநர் திரு. ராஜா தனுஷ் இந்நிகழ்ச்சி பற்றி பேசுகையில், “இந்நெடுந்தொடருக்கான கதையானது கதாபாத்திர வடிவமைப்பு அம்சத்தில் உண்மையிலேயே மிகவும் வலுவானதாக இருக்கிறது. இக்கதாபாத்திரங்களோடு மனதளவில் ஒருமிக்க வைக்கும் திரைக்கதையின் ஒவ்வொரு எபிசோடும், பார்வையாளர்களை கட்டிப்போடக்கூடியதாக இருக்கும். இந்நெடுந்தொடருக்கான படப்பிடிப்பின்போதான எமது அனுபவம் மிக அற்புதமானதாக இருந்தது. எமது கதாபாத்திரங்களது கண்ணோட்டத்தின் வழியாக நாங்கள் சொல்லும் இந்த கதை சித்தரிப்பை பார்வையாளர்கள் அனைவரும் நிச்சயம் இரசித்து மகிழ்வார்கள் என்று நாங்கள் உறுதியாக நம்புகிறோம்,” என்று கூறினார்.
இதைத் தொடர்ந்து பேசிய நடிகை சாயா சிங், “குடும்பத்தில் வழக்கமாக ஆண்கள் தான் குடும்பத் தலைவர்களாக இருக்கின்றனர். நம்ம மதுரை சிஸ்டர்ஸ் கதையில் எனது கதாபாத்திரம், குடும்பங்களை ஒருங்கிணைப்பதிலும் மற்றும் எதிர்கால தலைமுறையினருக்கு வழிகாட்டுவதிலும் ஆண்களுக்கு நிகரான திறன் கொண்டவர்களாகவே பெண்கள் இருக்கின்றனர் என்பதை ஆணித்தரமாக எடுத்துச் சொல்ல முற்படுகிறது. பெண்களின் வேறுபட்ட பரிமாணத்தை இது நேர்த்தியாக எனது பிற கதாபாத்திரங்களிலிருந்து நம்ம மதுரை சிஸ்டர்ஸ்-ல் எனது கதாபாத்திரம் மிகவும் வேறுபட்டு தனித்துவமானதாக திகழ்கிறது,” என்று குறிப்பிட்டார்.
இந்த நான்கு சகோதரிகளின் நுட்பமான அறிவையும் மற்றும் தைரியத்தையும் முன்னிலைப்படுத்தும் இந்நிகழ்ச்சியானது தென்னிந்தியாவில் மிகவும் பிரபலமான ஆடு புலி ஆட்டம் என்ற பாரம்பரிய விளையாட்டின் அடிப்படை அம்சங்களிலிருந்து உருவாக்கப்பட்டிருக்கிறது. ஆடுகளும், புலிகளும் இவ்விளையாட்டில் பங்கு வகிக்கின்றன. புலிகள், ஆடுகளை வேட்டையாட முற்படும்போது அப்புலிகளின் முயற்சியை தோல்வியுறச் செய்ய ஆடுகள் முயற்சிக்கின்றன. இக்கதைக்கருவை அடிப்படையாகக் கொண்ட நம்ம மதுரை சிஸ்டர்ஸ், அன்பு மற்றும் பாசத்திற்கு மத்தியில் மறைந்திருக்கிற குடும்ப அடிப்படையிலான போட்டி மனப்பான்மை என்ற கண்ணோட்டத்தை காட்சிப்படுத்த முனைகிறது.
தொலைக்காட்சி, அச்சு ஊடகம், ஓஓஹெச், டிஜிட்டல் மற்றும் பிற ஊடக வழிமுறைகள் அனைத்திலும் 360-டிகிரி புதுமையான விளம்பர பரப்புரையை இந்நிகழ்ச்சிக்காக கலர்ஸ் தமிழ் பயன்படுத்தியிருக்கிறது.
இந்திராணி மற்றும் அவளது சகோதரிகளின் வழக்கத்திலிருந்து மாறுபட்ட வாழ்க்கைக் கதையை கண்டு இரசிக்க 2022 பிப்ரவரி 21 திங்கள் இரவு 7 மணிக்கு தவறாமல் கலர்ஸ் தமிழ் தொலைக்காட்சியை டியூன் செய்யுங்கள். அனைத்து முன்னணி கேபிள் வலையமைப்புகளிலும் மற்றும் சன் டைரக்ட் (CHN NO 128), டாடா ஸ்கை (CHN NO 1515), ஏர்டெல் (CHN NO 763), டிஷ் டிவி (CHN NO 1808) மற்றும் வீடியோகான் D2H (CHN NO 553) ஆகிய அனைத்து டிடீஹெச் தளங்களிலும் கலர்ஸ் தமிழ் அலைவரிசை நிகழ்ச்சிகளைக் கண்டு ரசிக்கலாம். பார்வையாளர்கள் அவர்களது வசதிக்கேற்ப எந்த நேரத்திலும் இந்நிகழ்ச்சியை காண VOOT – ஐ டியூன் செய்யலாம்.
