டிஸ்னியின் ‘முஃபாசா’ தி லயன் கிங்’ திரைப்படத்தின் தமிழ் வெர்சனில் அர்ஜுன் தாஸ் முஃபாஸாவாக கர்ஜிக்கிறார்!
மிகவும் எதிர்பார்க்கப்படும் இந்த ஃபேமிலி என்டர்டெயின்மென்ட் திரைப்படத்திற்காக தமிழ் சினிமாத் துறையின் முன்னணி நாயகர்களான அசோக் செல்வன், ரோபோ சங்கர், சிங்கம் புலி, வி.டி.வி கணேஷ் மற்றும்M. நாசர் ஆகியோருடன் இணைந்து அர்ஜுன் தாஸும் குரல் கொடுத்திருக்கிறார்!
~ இயக்குனர் பேரி ஜென்கின்ஸ் இயக்கியுள்ள முஃபாசா: தி லயன் கிங் இந்தியாவில் 2024 டிசம்பர் 20ஆம் தேதி ஆங்கிலம், இந்தி, தமிழ் மற்றும் தெலுங்கு மொழிகளில் வெளியாகிறது ~
Chennai, 20th November 2024: காடுகளின் இறுதி ராஜாவான முஃபாசா: தி லயன் கிங், இப்போது தமிழ்த் திரைப்படத் துறையின் மிகவும் பிரபலமான சில குரல்களுடன் தமிழ் மொழியிலும் உயிர்ப்பிக்கப்பட்டுள்ளதை ஆராய்வதற்கான நேரம் இது! 2019ஆம் ஆண்டின் லைவ்-ஆக்ஷன் திரைப்படமான ‘தி லயன் கிங்’ பிளாக்பஸ்டர் வெற்றியைத் தொடர்ந்து, பிரமிக்க வைக்கும் லைவ்-ஆக்சன் முஃபாசா: தி லயன் கிங் ரசிகர்களுக்கு ஒரு சிறப்பு விருந்தாக வந்துள்ளது. ஏனென்றால், தமிழில் மொழிமாற்றம் செய்யப்பட்ட பதிப்பில் அர்ஜுன் தாஸ் முஃபாசாவாகவும், அசோக் செல்வன் டாக்காவாகவும் நடித்துள்ளனர். ரோபோ சங்கர் மற்றும் சிங்கம் புலியின் பிரியமான ஜோடி முறையே பும்பா மற்றும் டிமோனாக மீண்டும் இணைகிறார்கள், அத்துடன், வி.டி.வி கணேஷ் இளம் ரஃபிக்கியாக வருகிறார். பழம்பெரும் தமிழ் திரைப்பட நடிகர் எம். நாசர் கிரோஸ் அணியில் இணைகிறார்.
அர்ஜுன் தாஸ் சினிமாவின் மிகவும் பிரியமான கதாபாத்திரங்களில் ஒன்றிற்கு குரல் கொடுத்தது குறித்த தனது உற்சாகத்தைப் பின்வருமாறு பகிர்ந்து கொள்கிறார், “முஃபாஸா: தி லயன் கிங் படத்தின் ஒரு பகுதியாக இருப்பது ஒரு கனவு போன்றது. அது நனவாகி உள்ளது. நம் குழந்தைப் பருவ நினைவுகள் அனைத்திலும் தனி இடத்தைப் பிடித்திருக்கும் ஒரு சின்னப் பாத்திரத்திற்குக் குரல் கொடுப்பது பெருமையாக இருக்கிறது. சிறுவயதில், தி லயன் கிங்* படத்தைப் பார்த்த ஞாபகம் இருக்கிறது. சினிமா வரலாற்றில் முஃபாசா எப்படி சிறந்த மன்னர்களில் ஒருவரானார் என்பதைப் பற்றி மேலும் தெரிந்துகொள்ள நான் எப்போதுமே விரும்புவேன். தமிழ் பார்வையாளர்களுக்கு முஃபாஸாவை உயிர்ப்பித்துக் காட்டியதும், டிஸ்னியின் ஈடு இணையற்ற கதைசொல்லலின் ஒரு பகுதியாக இருப்பதும் வாழ்நாளில் நான் இனி எப்போதும் காணக் கிடைக்காத பாக்கியமாகும்!”
டாக்காவுக்கு குரல் கொடுத்தது குறித்து அசோக் செல்வன் குரல் கூறியதாவது, “உலகம் முழுவதும் உள்ள தலைமுறைகள் லயன் கிங்கைப் பார்த்து வளர்ந்துள்ளன, எனக்குள்ளும் இந்த அருமையான கதை, தனித்துவமான பாடல்கள், நகைச்சுவை சாகசங்கள் மற்றும் எனது நண்பர்கள் மற்றும் குடும்பத்தினருடன் அதை ரசித்தது பற்றிய இனிமையான நினைவுகள் உள்ளன. முஃபாஸா: தி லயன் கிங் திரைப்படத்தில் தமிழ் பார்வையாளர்களுக்காக டாக்காவை உயிர்ப்பித்துக் காட்டியது, என்னால் மறக்க முடியாத ஒரு உன்னத அனுபவம்! குடும்பங்கள் ஒன்று கூடி பெரிய திரையில் ரசிக்கும் காட்சியாக இத்திரைப்படம் இருக்கும்”.
பும்பாவின் கதாபாத்திரத்திற்கு மீண்டும் உயிரோட்டம் அளித்தது குறித்து ரோபோ ஷங்கர் பேசுகையில், “இன்னொருமுறை இந்த தனித்துவமான திரைப்படத்தின் ஒரு பகுதியாக இருப்பதும், முஃபாசா: தி லயன் கிங்கிற்காக பும்பாவின் தமிழ் குரலாக எனது தனிப்பட்ட பங்களிப்பை அளிப்பதும் அருமையாக உள்ளது. பும்பா முழுக்க முழுக்க உயிர்ப்புடன் இருப்பதோடு, தனது ஒற்றைப் பாடல்களாலும், மகிழ்ச்சியான தருணங்களாலும் தன்னைச் சுற்றியிருப்பவர்களின் மனதை உற்சாகப்படுத்தினார். பும்பாவுக்காகக் குரல் கொடுத்தது, 2019ம் ஆண்டின் அவருடனான அனைத்து இனிய நினைவுகளையும் மீட்டெடுக்க வைத்தது. டிசம்பர் 20ஆம் தேதி பெரிய திரையில் பும்பாவின் புதிய நகைச்சுவையைப் பார்வையாளர்கள் ரசிப்பார்கள் என்று நம்புகிறேன்.”
2019 படத்தின் மாபெரும் வெற்றிக்குப் பிறகு அன்பான டைமனுக்கு மீண்டும் குரல் கொடுத்த சிங்கம் புலி கூறியதாவது, “நான் மீண்டும் டைமனாக வருவதும் மற்றும் குடும்பங்களை ஒன்றிணைக்கும் தனித்துவமான படத்தில் ஒரு பகுதியாக இருப்பதும் எனது வாழ்வின் மிகவும் மகிழ்ச்சியான தருணங்கள், எனது 2019 அனுபவம் மறக்க முடியாதது. மேலும் அந்தத் தருணங்களை மீட்டெடுப்பது, முஃபாசா: தி லயன் கிங்கிற்காக இந்த முறை டிமோனின் கதாபாத்திரத்திற்குப் புதிய தொடுதல்களைக் கொண்டு வந்தது. டிமோனைப் பற்றி எனக்கு மிகவும் பிடித்தது என்னவென்றால், எந்தச் சூழ்நிலையிலும் எப்படி மகிழ்ச்சியாக இருக்க வேண்டும் என்பதை அவர் அறிந்திருப்பார், மேலும் அவர் தனது நேர்மறையை அனைவருடனும் பகிர்ந்துகொள்கிறார், பார்வையாளர்கள் மீண்டும் ஒருமுறை டிமோனின் செயல்களை திரையில் பார்த்து மகிழ்வார்கள்!”
விருது பெற்ற காமிக் டைமிங்கிற்கு பெயர் பெற்ற, மூத்த வி.டி.வி கணேஷ் இளம் ரஃபிக்கியின் கதாப்பாத்திரம் பற்றி பற்றி பேசியதாவது, “இந்த பிளாக்பஸ்டர் உரிமையின் ஒரு பகுதியாக இருப்பது ஒரு சிறந்த அனுபவமாக உள்ளது, மேலும் தமிழில் ரஃபிகியின் கதாபாத்திரத்திற்கு எனது தனிப்பட்ட பங்களிப்பைக் கொடுத்து மகிழ்ந்தேன். குடும்ப ரசிகர்கள் டிசம்பர் 20ஆம் தேதி அன்று வெளியாகும் முஃபாசா: தி லயன் கிங்கின் விருந்துக்காகக் காத்திருக்கிறார்கள்!”
கிரோஸின் குரலாக டைனமிக் டீமில் இணைந்த தமிழ் திரைப்படத்துறையின் பழம்பெரும் நடிகர் எம். நாசர் கூறியதாவது, “இந்த ஆற்றல்மிக்க கதாபாத்திரத்தை நான் மிகவும் ரசித்தேன், மேலும் டிஸ்னியின் நட்சத்திர மரபு மற்றும் மிகவும் விரும்பப்படும் இந்தத் திரைப்படத்தின் ஒரு பகுதியாக இருப்பது மிகவும் மகிழ்ச்சி அளிக்கிறது. குரல் கொடுக்கும்போது, எப்போதும் கதைக்கு உண்மையா இருப்பது சவாலானது. அத்துடன் நம் உள்ளூர் மொழியில் இணைவது இன்னும் சவால் நிறைந்தது. இந்தக் கதாபாத்திரத்தின் மூலம், நான் அவ்வாறு செய்ய அதிகாரம் பெற்றதாக உணர்ந்தேன், என்னுடைய இந்த புதிய அவதாரத்தை ரசிகர்கள் விரும்புவார்கள் என்று நம்புகிறேன்..”
புதிய மற்றும் ரசிகர்களுக்குப் பிடித்த கதாபாத்திரங்களுக்கு உயிரூட்டி, லைவ்-ஆக்சன் திரைப்படத் தயாரிப்பு நுட்பங்களை ஃபோட்டோரியல் கம்ப்யூட்டர் மூலம் உருவாக்கப்பட்ட படங்களுடன் கலந்து, “முஃபாசா: தி லயன் கிங்” கதையை பேரி ஜென்கின்ஸ் இயக்கியுள்ளார். முஃபாசா: தி லயன் கிங் கதையில், பிரைட் லாண்ட்ஸின் அன்பான ராஜா எப்படி ஆட்சிக்கு வந்தார் என்பதை ரஃபிகி கூறுகிறார். ஆதரவற்ற ஒரு குட்டியான முஃபாசாவையும், அரச குடும்பத்தின் வாரிசான டாக்கா எனப்படும் ஒரு அன்பான சிங்கத்தையும் இந்தக் கதை அறிமுகப்படுத்துகிறது. அவர்கள் தனித்துவமான மற்றும் அசாதாரண தோழர்களின் குழுவுடன் ஒரு பயணத்தை மேற்கொள்கிறார்கள்.
இயக்குநர் – பேரி ஜெர்கின்ஸ்; அசல் பாடல்கள்: லின்-மேனுவல் மிராண்டா
ஆங்கில குரல்கள்:
ஆரோன் பியர் (முஃபாசா), கெல்வின் ஹாரிசன் ஜூனியர் (டாக்கா), டிஃப்பனி பூன் (சராபி), ககிசோ லெடிகா (இளம் ரஃபிகி), பிரஸ்டன் நைமன் (ஜாசு), மேட்ஸ் மிக்கெல்சன் (கிரோஸ்), தாண்டிவே நியூட்டன் (ஈஷே), லெனி ஜேம்ஸ் (ஒபாசி) , அனிகா நோனி ரோஸ் (ஆஃபியா), கீத் டேவிட் (மசெகோ), ஜான் கனி (ரஃபிகி), சேத் ரோஜென் (பும்பா), பில்லி ஐச்னர் (டிமோன்), டொனால்ட் குளோவர் (சிம்பா), ப்ளூ ஐவி கார்ட்டர் (கியாரா), பிரேலின் ராங்கின்ஸ் (யங் முஃபாசா), தியோ சோமோலு (யங் டாக்கா), ஃபோலேக் ஓலோஃபோயோகு, ஜோனா ஜோன்ஸ், துசோ எம்பேடு, ஷீலா அதிம், அப்துல் சாலிஸ், டொமினிக் ஜென்னிங்ஸ் மற்றும் பியோனஸ் நோல்ஸ்-கார்ட்டர் (நாலா).
முஃபாசா: தி லயன் கிங் டிசம்பர் 20, 2024 அன்று ஆங்கிலம், இந்தி, தமிழ் மற்றும் தெலுங்கு ஆகிய மொழிகளில் இந்திய திரையரங்குகளில் வெளியாகும்.
